Andrea Jano (Vigo, 1978) conta con estudos de Antropoloxía, filosofía e Educación Social. Como ilustradora, a súa formación ten una influencia moi precisa na obra, pola sensibilidade das paisaxes e a relevancia que a persoa toma neles en busca de certo equilibrio, principalmente na contemplación da natureza e do pequeno. A súa traxectoria está composta dunha primeira fase dedicada maiormente ás pinturas en tinta chinesa, unha segunda de minuciosos debuxos en acrílico con vivas cores, e unha terceira e máis actual con creacións fundamentalmente monocromáticas en acuarela. Así mesmo, tamén realiza traballos dixitais e outros sobre tea, madeira e cristal, deseños de tatuaxes e ilustracións personalizadas.